The driver and the policemen

A month ago me and Marlowe bought a honda repsol wave 125 na tinawag naming si "peewee", kulang ung pera namin so nangutang kami kay erpat ng 35k... We were so happy kc 2nd hand lang ang hinahanap namin pero brandnew ung binigay ni Lord..

Hindi namin siya agad nadala sa Angeles kc inantay pa namin yung Plate. Then 2 weeks later nakuha ko na ung plate then, nagpasundo ako kina Marlowe and Jeff (boardmate) para madala na namin sa Angeles si peewee.. Ung unang biyahe namin, it was so smooth though umuulan at mejo maggagabi na.. Nagkahiway kami sa may Marquee mall kc nagkaroon ng miscommunication.. pero buti nalang walang nangyaring hindi maganda..

After a week, inuwi namin si peewee kc may kinailangang ayusin.. Naayos naman. Tuwang tuwa ako kc nagwan ng paraan ung inayos nmin na hindi ako gumastos ng malaki.. Then nung July 30, 2010.. Sinundo nila ulit ako. Ok namn ung biyahe kc di umuulan. Maaliwalas ang daan.. pero pagdating sa may Magalang, papuntang Angeles may isang driver na ubod ng engot. Paatras siya galing sa isang Junkshop sukat ba naman harangin kami. Buti nalang at mabagal lang kame. Pero nagkaroon kami ng mga minor injuries ni Marlowe. Ok lang sana kahit nagkaroon din ng gasgas si peewee kaso itong si mamang driver imbes na pagmalasakitan kami, ung mga miron ang inasikaso at sinasabing kami daw ay mabilis kya nangyari ang aksidente.

Kya nagpatawag kami ng pulis na inaakala naming tutulong sa amin, pulis na sinasabing alagad ng batas. Pulis na magpapatupad ng kung ano man ang nararapat na aksiyon sa mga gaya ng pangyayaring kinasasangkutan namin at ng Driver na iyon.

Dumating sila pagkaan ng 15 minutes na kung saang nagkaroon na kmi ng matinding sagutan nung driver na nagmamagaling. Iginigiit niya na kami daw ang may ksalanan.. Sabi ko siya na nga nakasakit ng tao siya pa mayganang mambintang.

Dumating ung mga pulis at niyaya nila kami sa presinto. Pagdating namin doon, pinapunta nila kami sa isang hospital at doon na kami ngpalinis ng mga sugat namin. At para daw magawan kami ng medical reports. Habang nasa hospital kami, ang kasama naming si jeff ang nakikipagnegotiate sa driver na pangit. Sabi ni Jeff pumapayag na daw na magbayad sa lahat ng gastos ksama na medical at sa sira ng motor ung Driver. Pero bago pa man kami ngbalik sa presinto nagbalita ulit si jeff na hindi daw sila magbabayad ng gastos sa motor, medical lang daw sasagutin niya though sabi daw ng pulis sa kanya, kahit sinong mekasalanan sa mga ganong kaso, dahil kami daw nasaktan, responsibilidad daw niya na gastusin ung dapat bayaran tpos sabi pa "pasalamat ka yan lang nangyari sa mga naaksidente mo." sa madaling salita sa amin ang simpatiya nung pulis na humahawak ng kaso namin.

Pagdating namin, humihingi siya ng konting tulong sa gastos, sabi ko, makikipagtulungan kami basta mabibigay ung karapatan namin, sabi niya siya daw bahala sa hospital bills. Sabi mo 300 pesos lang ung gastos, edi ibig sabihin mas malaki pa gastos namin kesa sa knya.. Kya un sabi nung pulis ipaestimate ung gastos ng motor tapos babalik sa nalang ng monday..

Pinaestimate naman namin at bumalik kami ng monday, pagdating dun, kinausap kami nung hepe at nabangit din niya na nagpapatulong daw ung tao sa mayor, lalo akong babwisit sa Driver. Napakaliit na bagay hinihingi pa ng tulong sa mayor.

Pagdating niya kalahati lang daw ang babayaran niya. Dahil un daw ang napagkasunduan. Sabi ko, wala akong sinabing ganon. Kung daw pinapabayad namin lahat, bayaran din daw namin ung nasira niyang ilaw. Presyo ng ilaw, 1100 daw.. Sabi ko sige papalitan namin ung ilaw, pero kami ang bibili. Kya yun siya din daw bibili nung mga nasirang parts ng motor. So yun sabay kaming umalis sa prisinto.

Pagbalik namin, sabi nung pulis mali daw ung binili namin, di daw ganun ung ilaw nung owner niya. Sabi ko eh pano po kung di kami makakita, Sabi niya in sarcastic way, "yan na nga ba sinasabi ko." Tapos sabi pa, "pasalamat kayo, hindi kayo tinakbuhan nung nakabundol sa inyo." Parang nagbago na ihip ng hangin. Hindi ko na tuloy alam kung ung taong kaharap namin ay pulis o abogadong nagpapabayad para magtangol ng isang taong maysala.

Nagantay kami ng isang oras, dalawang oras. Kumain kami ng lunch tapos isang oras na pagaantay ulit, tapos isa pa, hindi dumating ung si Driver pangit, so nakapagdesisyon na babalik nalang ng wednesday.

Hinanap namin ung ilaw nung owner niya sa kahabaan ng highway ng Dau, sa awa ng Diyos nakakita kami, at ang presyo 5 hundred plus lng, kaso huling stock nlng siya so nilinis pa siya ni Marlowe. Nagawa namin yun dahil pakiramdam ko, hindi na ito labanan ng pera pera lang. Kundi labanan ng prinsipyo at katarungan.

Pagdating ng wednesday, umuwi muna kami sa bahay, tapos ngpatulong ako sa mama ko at dun sa isa kong tito, pagdating namin, as usual wala pa sila. So, tinanong ko sa pulis na mehawak ng kaso, "di po yata siya dadating." sabi niya, "padating na siya." So nagantay kami. Nakuhang mainip ni mama sa pagaantay. Hanggang sa kausapin kami nung hepe, sabi niya, "dumating ung tao nung hapon ng lunes, sabi niya 1700 lang daw ang maibibigay niya." tapos sabi ko, "bumili po kami ng ilaw nung owner niya, napagod po kaming hanapin yun." sbi niya, "ibalik niyo nalang yan sa tindahan." Nainis daw si mama sa tinuran nung hepe kaya nagsalita siya, "ganyan nalang po ba, porket may kakilalang mataas sa gobyerno?" Galit na sumagot ung hepe, "huwag po kami kagalitan niyo, atsaka ako po ang hepe dito." sabi pa niya. Tumawag yung hepe dun sa tao, sabi nung tao, "nasa angeles daw siya, sa ibng araw nalng daw kami magusap." Nabubwisit nako..

Tapos pinakiusap ung tao kay Marlowe (hindi pla ung driver ang kausap ni hepe). Binalaan na pag hindi dumating, magdedemanda na kami. Sabi nung tao, sige magdemanda nalang kayo.

Huwebes ng umaga, dumating si Tito Ver sa amin, isa siyang kagawad ng barangay at nagprisinta na kausapin ung taong nakabundol sa amin. Sabi niya, tatakutin at pipiliting kunin ung gastos namin. Pero iba ung nangyari, matigas daw talga ung tao, at masyadong madada. At nagsabi pang may kakilala daw siyang general. Kya nung ibigay ung 1200, pumayag na siya. Nanlumo ako, pero wala na akong magawa. Pakiramdam ko, isa akong talunan sa isang kasong ako ang biktima.. ako at si Marlowe.

Ngaun ko napatunayan na may mga taong sila na nkasakit ng kapwa, sila pa may lakas ng loob na magpatulong sa mga tao sa gobyerno. At higit sa lahat, ngaun ko din napatunayan na may mga alagad ng batas na alagad din ng mga sumasalungat sa batas.

Masakit pa din ang loob ko hangang sa ngaun, pero sabi ni mama, ipanalangin nalang daw namin ung mga taong nagkasala sa amin. Ang Diyos nlang ang bahala sa mga taong yun lalo na ung Driver na yun.